Carola Grahn - Arctic Indigenous Design Archives (AIDA)

Carola Grahn

(r.1982)

Tjiehpiedæjja


Carola Grahn, reakasovvi 1982, sjïdteme-aejkesne lij Jåhkåmåhkke:sne (Jokkmokk) jïh åvte-voeresh åtna Tjiehtelen (Kittelfjäll) jïh Ångermanlaandten dajvijste. Dïhte Malmö:sne daelie årroeminie.

Carola lea tjiehpiedæjja åarjelsaemien dajveste. Satne ööhpehtimmieh åtna Gånkaladtje Tjeahpoejolleskuvle-, Beckman:en Designejolleskuvle- dovne Guvvieskuvleste Gamleby:sne. Altese barkoeh leah muvhten aejkien vuesiehtimmesne orreme IAIA Museum Of Contemporary Native Arts (MoCNA)  Santa Fe:sne, Leonard & Bina Ellen Art Gallery Montreal:sne, Southbank Centre London:isnie, Office of Contemporary Art Oslovisnie, Tjeahpoesavka Trondheim jïh Guvviemuseume Ubmejisnie.

Dïhte tematiske- jïh soejkesjemaadth-vuekiej mietie barka, gellien aejkien stoerre prosjeektine, eeremes materialiseringe teekstijste, installasjovnh jïh skulpturaala medijumh. Gellien aejkien leah Carolan barkoeh baajnehtamme komplexe soejkesjijstie identiteeti bïjre jïh maadoste. Gellien aejkien satne lutnjeme meadtoe-dahkoeh saemide ovmessieh aejkijste. Barkojde vuesehtieh dåeriesmoerh gåessie vuartasjæjjah gyhtjelassh jïh jiehtieh åadtjoeh dåastoehtidh. Altese barkoeh gaskesidie rïhpestieh seamma aejkien ov-goh soptsesten slaajine leah jïh konceptuelle tjeahpoedajvine juhtieh.  

Jaepien 2020 dle Carolan aajnevuesiehtimmiem vuesiehtimmesne "lij Have Scrutinized Every Stone:sne and Log" Rööpses Gierkie Tjeahpoesavkesne Göteborg:sne. Dïhte Asmund jïh Lizzie Arles hammoedæjjavadtesem 2021 åadtjoji jïh tjaaleme lea saemien tjeahpoen bïjre Afterall Magazine:se, redaktööre orreme Hjärnstorms teemanummer:asse Sápmi bïjre jïh jijtjepublicereme romanem Lo & Professorn. Carola aaj kuratereme Sven-Harrys:en Tjeahpoemuseumasse Stuehkesne jïh Hïejespïelesne Noerhte Nöörjesne.


Carola Grahn våarhkoe

Våarhkosne leah materijaalh ovmessie tjeahpoeprosjeektijste, konceepth jïh ektiebarkoeh. Objeekth leah meatan mah leah tjatneme prosjeektide "Sami Girl Gang" jïh "Saemien sirrie", dovne arkivalijh goh plaeriebietskedimmieh, gærjah jïh vuesiehtimmiekatalogh. Våarhkosne aaj guvvievuesiehtimmiem jaepeste 2005, eannan Carola ööhpehtimmiem skååffi, mejtie gellieh stillemh dan bïjre leah tjatneme

[AJTTE]

Ij maehtieh Carolan våarhkoem digitaaline jaksedh, ihke altese materijaalh vuejnedh maahta Ájtte, Sveerjen vaerie- jïh saemiemuseumem gaskesadtedh