Rose-Marie Huuva - Arctic Indigenous Design Archives (AIDA)

Rose-Marie Huuva

(r.1943)

Dáiddár

 


Rose-Marie Huuva lea riegádan jagis 1943 Gabná čearus. Odne son orru Gironis, doppe sus lea leamaš ateljea guhkes áiggi. Rose-Marie Huuva lea multidáiddár mas leat višuvnnat, son lea okta su buolvvas mii eanemusat lea beaggán. Son lea bargan sihke árbevirolaš dujiin ja dáiddadujiin. Son lea dáiddár, muhto maiddái poehta ja jietna moanaid kulturpolitihkalaš áššiin. Bajásšattadettiin son oahpai duddjot su eatnis ja 1960 jagiin son, maŋŋá go leai čájehan árbevirolaš dujiid, álggii čájehit dáiddadujiid. Son jotkkii bargat árbevirolaš tekstiila ávdnasiiguin, nugo gággásiin, datneárppuiguin, muhto dain leai ođđaáigásaš hápmi. Su barggut 1960 jagiin oidnojit odne leat áiggehis čáppa barggut.

Juo árrat barggai Rose-Marie Huuva accessoaraiguin maid leai herven datneárppuiguin, muhto de álggii bargat dáidagiin ja almmolaš čiŋahemiin mas ledje stuorra applikašuvnnat láđđis ja bácciiguin main ledje orgánalaš ávdnasat; náhkki, sasti, geađgi ja muoldu. Dávjá son lahkonišgoahtá bargguide dieđalaš prošeaktan dahje geahččaleapmin. Su bargguin lea maiddái politihkalaš dimenšuvdna ja gieđahallet áššiid nugo nállebiologalaš dutkama ja dološ sámiid bázahusaid ruoktotbuktima.
Jagis 1981 álggii Rose-Marie Huuva doaibmat poehtan, mii dalle leai šaddan su dábáleamos vuohki ovdanbuktimiidda. Jagis 2001 leai Rose-Marie Huuva evttohuvvon Davviriikkaid Ráđi girjebálkkašupmái ja sutnje lea stipeanda Rubus Arcticus addon jagis 2003.


Oktavuođadieđut

E-boasta: rosmare.gironis@gmail.com

Rose-Marie Huuva vuorkká vuođđu lea bivttasteapmi jagis 1965 ja vuorká buktá biktasii konteavstta. Biktasis lea gilkor, gieđas málejuvvon katalogegoarta, mode-govva, bovdehus searvat vernissašii dalle go bivttas čájehuvvui ja áviisačálus čájáhusa birra.

[AJTTE]