Aune Kuuva - Arctic Indigenous Design Archives (AIDA)

Aune Kuuva

(r.1940)

Taaidâr, musikkár


Aune Kuuva lii šoddâm Aanaar Njellimist ive 1940. Kuuva viijđes taiđâlâš pargo olá kovetaiđust já tiivtâin čaitâlmij já kiirjij čälimân, lavlui rähtimân já sanniimân sehe lávlumân já kietâtuojijd. Kuuva taaiđâlii viärmáduv kođđeem aalgij ive 1978, ko sun uásálistij taaiđâlii tooimâ kuursân Sipola opâttuvâst. Kuursâin Kuuva HIOI jieijâs lávlum-, sannim- já šuoŋârähtimtááiđuid. 1980- já -90-lovoin Kuuva juuđij aktivlávt lávlumin pirrâ Suomâ já lâi meiddei mield páihálii Inra-kuorost (Aanaar).

Aune Kuuva lii šoddâm Aanaar Njellimist ive 1940. Kuuva viijđes taiđâlâš pargo olá kovetaiđust já tiivtâin čaitâlmij já kiirjij čälimân, lavlui rähtimân já sanniimân sehe lávlumân já kietâtuojijd. Leibipargonis Kuuva lii lamaš kävppisyergist vyebden.

 

Kuuva taaiđâlii viärmáduv kođđeem aalgij ive 1978, ko sun uásálistij taaiđâlii tooimâ kuursân Sipola opâttuvâst. Kuursâin Kuuva HIOI jieijâs lávlum-, sannim- já šuoŋârähtimtááiđuid. 1980- já -90-lovoin Kuuva juuđij aktivlávt lávlumin pirrâ Suomâ já lâi meiddei mield páihálii Inra-kuorost (Aanaar).

 

Ive 1994 Kuuva almostitij C-kasseet Äijihkeđgi já ive 1998 almostui Kuurâh kullui. Majemuuh almostitmeh láá ivveest 2004. Toh láá anarâškielâlâš CD-skiäru Pálgáh já suomâkielâlâš CD-skiäru Pohjoisen mystiikkaa.


Aune Kuuva almostitij ive 1991 pseudonymáin Aune Vesa tihtâkirje Uáináh’uv ― Oainnátgo. Tihtâkirje kuuvijd sun raahtij ohtsâšpargoost aanaarlâš luándukovvejeijee Martti Rikkosijn. 

 

Muusik já tiivtâi lasseen Aune Kuuva piäggá kovetaidârin maaŋgâuulâtlijn installaatioin sehe nukkestelliittâsâinis, moiguin sun kovvee eromâšávt anarâš kulttuur já luándu koskâsii vuáruvaiguttâs. Párnáikulttuur sehe anarâšvuotâ láá lamaš Aune Kuuva taiđâlii pargoin merhâšittee sajattuvâst, já sun lii ei. toimâm lohhen Säämi Radio párnáiohjelmijn sehe ráhtám installaatioid Tuálu faŋgâ (č. Aune Kuuva, 1994), Suábi maainâs (č. Petter Morottaja, 1999) já Riävskánieidâ (č. Petter Morottaja, 2000) -kiirjij čuovâkuuvij várás. (Marko Jouste, http://www.samimuseum.fi/anaras/) 


Aune Kuuva arkkâdâh siskeeld čuovâkuuvijd suu nukkeprojektijn, jieškote-uv kiirjij várás sehe puoh pittáid moin láá suu rähtim šuoŋah já sanniittâsah.

[SA-FI]