Solveig Labba - Arctic Indigenous Design Archives (AIDA)

Solveig Labba

(r.1959)

Duojár ja oahpaheaddji


Solveig Labba (r. Blind) lea riegádan jagi 1959 ja son orru ja bargá Badjesohpparis. Mánnávuođa rájis lea duodji báidnán su eallima. Son leai oainnát bajásšaddan boazosámi veagas, ja das ráhkadedje dujiid veaga dárbbuid mielde. Son duddjogođii juo mánnán. Dát vuohki sus lea leamaš iežas mánáid ektui, soai leaba dávjá leamaš oassin su bargguin ja maiddái guoddán su biktasiid mode-čájáhusain.

Solveig Labba lea bargan duodjekonsuleantan Same Ätnama searvvis ja leamašan stivrajođiheaddji Sámi Duoji vuođđudusas. Ovttas Gunvor Guttormiin lea son čállán girjji Ávdnasis duodjin dipmaduodjesánit. Ja son lea maiddái álmmuhan girjji mánáidlávlagiin. Dávjá lea son duodjeoahpaheaddji Sámi allaskuvllas Guovdageainnus. Dat ahte mánát ja oahpahallan leat su barggu guovddážis oaidná sihke su barggus oahpaheaddjin ja dalle go lea ráhkadan kappaid, vuolppuid ja gahpiriid mánáide.

Fitnodagastis bargá Solveig Labba dujiin, designiin, logaldallamiiguin ja gursedoaimmaiguin. Su barggu vuođđu lea heivet oktii árbevirolaš máhtu man šattadettiin lea ožžon ja dan akademalaš máhtu man son lea gazzan iešguđege lágán oahpahusain. Son lea vuosehan dujiidis čájáhusain ja designen biktasiid mode-čájáhusain miehtá Davviriikkaid. Sus leat maiddái ollu diŋgomat álbmogis ja artisttain ja son lea dávjá bivttasdahkki Sámi teáhtera čájálmasaide.
Solveig Labba lea oasálastán sihke čohkkejuvvon čájáhusain ja sieranasčájáhusain miehtá Davviriikkaid. Jagis 2007 leai Solveig Labba Asa Kitok-stipendiáhta.


Solveig Labba vuorká lea rikkis ja bures dokumenterejuvvon. Dás leat dávvirat moanaid čájáhusain ja mode-čájáhusain masa gullet sihke sárgumat ja jurdagat čájáhusa birra, ávnnasovdamearkkat ja muhtin duodječájáhusain. Dasa lassin dieđihanávdnasat ja čájáhussalonggat. Dasa lassin leat das maiddái sárgumat, govat, áviisačállosat ja reivvet.

[AJTTE]