Mihku-Ilmár - Arctic Indigenous Design Archives (AIDA)

Mihku-Ilmár

Ilmari Laiti
(r.1943)

Duojár


Sámi duojár, dáiddaduojár ja oahpaheaddji  Mihku-Ilmár riegádii jagi 1943 Anárjogas. Máŋggamánnásaš bearraša birgenláhki gárttai ee. váhnemiid duddjon dujiid vuovdimis. Mihku-Ilmár lea bargan guhká Sámi oahpahusguovddáža sámi duoji lektorin, skuvlejumi hoavdan ja várrerektorin. Son álggahii oahppolágádusas sámi duodjegurssaid jođiheaddjin 1972. Dađi ovdal Laiti barggai Roavenjárggas Johannes Lauri bálvalusas, Roavenjárgga fidnogursaguovddáža sámi duodjegurssa hoavdan.

Mihku-Ilmáris leat leamaš eatnat luohttámusbarggut ja son lea leamaš Lappi leana dáiddadoaibmagotti lahttu jagiid 1972–1974, Ruokto-, giehta- ja dáiddaindistriijasuorggi oahppoplána plánendoaibmagotti ja Lappi leana gaskadási skuvlejumi plánenlávdegotti lahttu. Dasa lassin son lea doaibman sámi duoji konsuleantan Lappi leana ruovttuindustriijasearvvis ja Sápmelaš Duodjárat rs:s.  


Mihku-Ilmára arkiivii gullet biográfalaš materiála 1950-logu rájes, reivelonohallan ja viidát su bargovásáhusa áššedovdin ja oahpahusbargguin sihke servodatlaš barggus čoggon materiála.  Arkiiva govvida seammás sámi duodjeskuvlejumi historjjá sihke ruokto-, giehta- ja dáiddaindistriijasuorggi oahppoplánaid ja čájánasdutkosiid ovddideamis Suomas sámi duoji olis. Arkiivii gullet eatnat maid sierralágán sámi guovllu organisašuvnnaid ja doaibmiid logohápmosat. Dasa lassin arkiivii gullet viiddes plakáhtačoakkáldat iešguđetlágán sámi guovllu dáhpáhusain gitta 1950-logu rájes.

[SA-FI]