Sámi Duodji - Arctic Indigenous Design Archives (AIDA)

Sámi Duodji

Duodjeorganisašuvdna


Duodjevuođđudus Sámi Duodji lea duodjeorganisašuvdna mii vuođđuduvvui jagis 1993. Vuođđudeaddjit leat Ruoŧa Sámiid Riikkasearvi (RSR) ja Riikkaorganisašuvdna Sámi Ätnam (SÄ) ja organisašuvnnain leat ovddasteaddjit stivrras.

Duodjevuođđudusas Sámi Duojis lea riikkaviidosaš bargu sámi duoji váras. Bargui gullá duvdit, doarjut ja ovddidit áššiid mat gullet duodjái. Vuođđudusas lea sierra bargu álkidahttit árbevieruid sirdima ovtta buolvvas nubbái, ovdamearkka dihte sierra bijuid vehkiin mánáid ja nuoraid váras.

25 jagi lea Sámi Duodji jeavddalaččat oastán dujiid mat leat dahkkon sámi duojáriin. Ja juohke jagi oastán bargguid duojáris guhte lea ožžon Asa Kitok stipeandda. Čohkkenbarggu boađus lea stuorra čoakkáldat mas odne leat nuo 300 barggu muoras, čoarvvis, sasttis, náhkis, veattis, láses ja silbbas.

Čoakkáldat addui jagis 2018 Ájtte, Ruoŧa duottar- ja sámemuseii ja duojit gávdnojit ohcanláhkái musea datavuorkkás Carlottas http://collections.ajtte.com/web


Sámi Duodji vuorkkás gávdnojit nuo 300 duoji. Eanaš oassi dáin leat dahkkon nuortasámi árbevieruid mielde, muhto doppe leat maiddái ollu duojit dahkkon julev-, bihtán-, ubmi- ja oarjánsámi árbevieruid mielde. Leat sullii seammá olu nissonduojáriid bargguid ja dievdduid, ja muhtin dujiid lea buktagat ovttasbarggus. Dávjjimusat adnon ávdnasat leat sasti ja láđis, das maŋŋá lea muorra ja čoarvi ja loahpas maiddái silba ja láse.

[AJTTE]