Duojár (1934-2011)
Ruth Stoor (r. Stenberg, 1934-2011) lei Storseles Máleges eret muhto orui stuorit oassi su eallimis Gironis. Son lei duojár ja oahpaheaddji. Son oassálasttii dehálaš bistevašvuođa- ja ovdanahttinbargguide duoji fáttas 1970-logus.
Ruth logai Sámi Álbmotallaskuvllas(odne Sámij Åhpadus Guovdasj) Jåhkåmåhkes jagiid 1952 – 1954 gaskkas. Sus lei stuorra beroštupmi duodjái ja logadeamin Jåhkåmåhkes su áŋgirvuohta sturrui. Jagiid maŋŋil oahppu Ruth goarui gávttiid ja mii dasa gullui vuovdemassii su ruovttoguovllus Máleges.
1970-logus Ruth oassálasttii Same Ätnama gurssaide ja maŋŋil ieš maid šattai gursaoahpaheaddji, erenoamažit datne- ja sastteduojis. Sus lei stuorra beroštupmi davvisámi njiškkotminsttariidda ja dat dagahii ahte son barggai vel eanet Same Ätnam organiašuvdnii. Son dutkai ja dokumenterii minsttariid ja dán materiála šattai vuođđun báddegirjjidde mat Sámi Duodji almmohuvvui.
Ruth lei čeahpes veaddeduojár. Su veaddeduojit leat ein veaga sistte, su mánáid ja mánáidmánat luhtte. Ruth duddjui vettiiguin sámi árbevirolaš teknihkkain.
Ruthas lei dutkančalmmit ja dagai dávja iskkadeamit ja eksperimeanttat, omd goht galggai sasttiid ostet ja láikkiid ivdnet. Su dutkamušat leat álo leamaš vearditmeahttun ja árvvloaš diehtogáldu su lagamusaide, muhto dál maiddai almmolašvuhtii, su arkiivva bokte museas.
Loga lasi
Ruth arkiivvas leat davvisáme-báddeminsttarmateriála pearpmain; čálalaš dieđut, sárgomat, minsttarraporttat ja geahččalanbinnat. Govat, muitočállosat, gurse- ja bargočilgehusat, nugo diŋggat ja reaiddut leat maid oassi arkiivvas.
3 images
