Edit Svakko - Arctic Indigenous Design Archives (AIDA)

Edit Svakko

(r.1942 - j.2012)

Duodjekonsuleantan, duddjui, leai oahpaheaddji, gursejođiheaddji ja girjeredaktevra


Edit Svakko (1942-2012) riegádii Vuolip Rádekjohka ja orui Gironis, Máláges ja Hárátjis. Son barggai duodjekonsuleantan, duddjui, leai oahpaheaddji, gursejođiheaddji ja girjeredaktevra.


Edit Svakko váccii Sámiid Álbmotallaskuvllas jagiin 1962- 1964, ja doppe son maŋŋá leai guosseoahpaheaddji. Das maŋŋil son máŋggaid jagiid barggai sámi duodjekonsuleantan Sámi Ätnamsearvvi váras ja sámi duodjevuođđudusas Sámi Duodji. Bargui gulai doalahit oktavuođaid duojáriiguin guđege sámi guovlluin, bagadallat, ordnet gurssiid ja plánet movt johtit duodječájáhusaiguin. Ovttasráđiid báikkálaš duojáriiguin son maiddái ráhkadii minstariid iešguđet guovlluin gávttiide.

 

Edit Svakko barggai máŋga surggiin dipmaduojis ja maiddái datneárppuiguin, gođđimiin ja árbevirolaš ja ođasmahtton sastedujiin. Datnegoarrun, helmmot, láiggit ja ostojuvvon sasttit ledje ávdnasat maiguin son mielas geavahii ođđa dujiide ja maiddái nuppádis geavaheapmái. Nuppádis geavaheapmi láđđebihtáin ja eará ávdnasat biddjoje oktii ođđa duodjin. Dát lea vuohki mii čájeha árbevirolaš ja ekologalaš gaskavuođa lundui. Jurdda das lea ahte ii miige oačču šaddat duššin. Dát bargovuohki lea seammás oalle dálááigásaš ja modearna.


Edit Svakkos vuorkkás lea buot lágán dávvirat. Earret ollu dujiid doppe maiddái leat oalle ollu minstarat veaskkuide, gahpiriidda, gistáide, báttiide, gávttiide ja liehpaide buot osiin sámi guovlluin. Doppe leat sárgumat ja čállosat dan áiggis go barggai duodjekonsuleantan ja ávdnasat mat gullet su sohkadutkamii. Dasa lassin lea das čálus- ja govvačoakkáldat. Vuorkká lea su nieida Anna-Stina Svakko addán.

[AJTTE]