Ritva Tammela - Arctic Indigenous Design Archives (AIDA)

Ritva Tammela

(1955-)

Duojár

 


Márehaš-Ristena-Ritva

Márehaš-Ristena-Ritva, Ritva Tammela, riegádii Anára Gápmasis jagi 1955. Bearraša eadni duddjui olu ja Ritva veahkehii su juo mánnán earret eará nu ahte bonii báttiid ja duddjui smávvaosiid dujiide. Duodjeávdnasat ožžojuvvoje bearraša áhčis, guhte buvttii daid fárustis boazorátkimiin. Láigeduojárin Márehaš-Ristena-Ritva duddjo olu gođđagiid, dego fáhcaid, muhto su earenoamášmáhttu duodjesuorggis laktása Sámi ránuide. Ránuid son oahpahalai gođđit rávesolbmuidskuvlla diŋgagođđingurssain juo 1970-logus.

 

Márehaš-Ristena-Ritva, Ritva Tammela, riegádii Anára Gápmasis jagi 1955. Bearraša eadni duddjui olu ja Ritva veahkehii su juo mánnán earret eará nu ahte bonii báttiid ja duddjui smávvaosiid dujiide. Duodjeávdnasat ožžojuvvoje bearraša áhčis, guhte buvttii daid fárustis boazorátkimiin. Bearaš vuvddii nuvttohiid Norggas, dego Kárášjogas ja osttii dain ožžojuvvon ruđaiguin eallindárbašiid. Nuorran Ritva ásai muhtin áigge Helssegis, muhto máhcai fargga ruovttoluotta Anárii. Tammela lea skuvlejumis mielde sámi dujiid artisána ja merkonoma ja son bargá Sámedikki doaimmahatčállin.

Láigeduojárin Márehaš-Ristena-Ritva duddjo olu gođđagiid, dego fáhcaid, muhto su earenoamášmáhttu duodjesuorggis laktása Sámi ránuide. Ránuid son oahpahalai gođđit rávesolbmuidskuvlla diŋgagođđingurssain juo 1970-logus. Earenoamážit Ritva gođđin rátnomálle lea navdojuvvon su ádjá mielde Gádjánillán. Ritva lea gođđan ránuid vuovdimassii, ja su gođđin ránut leat johtán čájáhusain ruovttueatnamis go olgoeatnamiin.

Luonddu ivnnit, ivdnehábmen ja -harmoniija sihke ullu šaddobáidnin leatge geasuhan Márehaš-Ristena-Ritva. Dasa lassin son lea vuojulduvvan ránu historjjái, mas čállá maid iežas Sámi arkivii luobahan Sámi oahpahusguovddážii dahkan oahppočájánasbarggustis.


ARKIIVVAS 

Márehaš-Ristena-Ritva, Ritva Tammela, lea luobahan Sámi arkivii iežas Sámi oahpahusguovddážii jagi 2001 dahkan loahppabarggu ránus.  Oahppočájánasbarggus várás Ritva jearahalai sápmelaš rátnogođđiid ja oaččui árbevieru furkema várás maiddái Sámedikki veahkkeruđa. Jearahallamiin boahtá ovdan, mot iešguđet sápmelašjoavkkut leat atnán ránu ja ovdamearkka dihte, makkár rollas rátnu lei náittosgávppiin ruovttustis vuolgi nieidda ja váhnemiid gaskkas.

[SA-FI]