Ulrika Tapio Blind - Arctic Indigenous Design Archives (AIDA)

Ulrika Tapio Blind

(r.1967)

Dáiddár


Ulrika Tapio Blind lea riegádan 1967 ja bajásšaddan Gárasavvonis, doppe sus otne lea áteljea ja showroom. Son boahtá hutkkálaš dáiddaveagas. Ovttas etniin ja vieljain son maid juogada áteljea Čuovžavuohpis. Son lea sárgun olu govaid su eatni girjjiide.  

Ulrika Tapio Blind logai dáidaga ja pedagogihka Sunderby álbmotallaskuvllas. Dát guokte suorggi govahallet su bargguid gos estetihkalaš oahppanproseassa álo lea olis. Earret eará boahtá dát ovdan dain mánáidgirjjiin maidda son lea ráhkadan govaid. Okta su vuosttaš bargguin maŋŋá oahpahusa leai ráhkadit ávdnasiid eamiálbmotfestiválii Davvi Šuvvá. Ámadajut collášteknihkas, vuohki man son dávjá lea geavahan, šattai affišša ja máidnunávdnasat.

Ulrika Tapio Blind dábáleamos ávnnas lea akryla, muhto son lea geavahan moanaid teknihkaid nugo jieŋa, muohttaga, láđđi ja oljupastealla. Vuosttaš geahččamis orru dego su dáidá livččii abstrakta komposišuvdna, muhto dat dávjá čájehit doaivvamáilmmi mii ođđaáigásaš vugiid bokte addá ođđa vuogi mainna hábme sámi hábmengiela.


Ulrika Tapio Blinds bargolistu lea sihke viiddis ja máŋggalágán. Dasa gullá earret earáid dáiddajoavku Kilen, prošeavttat mat gullet teáhterii ja čájáhusat Davviriikkain, Kanadas, Ruoššas, Englánddas ja Ránskkas. Ovttas su etniin son lea ožžon Harry Martinsson bálkkašumi su illustrašuvnnain 2013.


Oktavuođadieđut

E-boasta: tapio.blind@gmail.com
Ruovttusiidu: tapioblind.se
Facebook: Ulrika Tapio Blind
Intagram: @ulrikatapioblind

Su vuorkkás leat ollu ávdnasat. Doppe leat earret eará girjjit, dáidda, sárgumat, geahččalanprentemat, poastagoarttat, čájáhusgirjjážat, affiššat, áviisačállosat ja máidnunávdnasat.

[AJTTE]