(r.1965)
Duojár ja designer
Lise Tapio Pittja lea riegádan jagis 1965 ja šaddan bajás dáiddalaš veagas Gárasavvonis. Veahka lea dávjá bargan ovttas ja ráhkadan čájáhusaid. Odne son orru Jåhkåmåhkis, das ovdal son orui báikkiin Unna Tjerutja duovdagiin. Son lea guovddáš olmmoš stuorra boazobargi veagas ja álggus son duddjui veaga dárbbuid dihte. Lassin lea sus allaskuvlaoahppu, oahpaheaddjin ja pedagogan, sus lea iežas fitnodat ja bargá sámi biktasiid hábmemiin.
Lise Tapio Pittja leai 16 jahkásaš go son álggii Sámij Åhpadusguovdásja duodjelinjái sasti/ láđđi. Maŋŋil son searvvai saste- ja konfekšuvdnaoahpahussii gaskal jagiid 1998- 2000, ja dalle son ceggii su fitnodaga- Ateljé Gáisi. Earret dan ahte goarrut gávttiid son ráhkadii sierra mihttejuvvon biktasiid main ledje lagaš čanastagat lundui, sasttis, gihci-, rieban- ja njurjonáhkis. Miellahttun designakollektiivvas Davvebiegga su barggut čájehuvvojedje catwalkas. Eará oassi su fitnodatdoaimmain lea doallat gurssiid gáktegoarrumis Sámis ja stuorra gávpogiin. Jagi 2000 rájis lea son bagadallan meastá 1500 olbmo goarrut gávttiid ja dakko bokte lea sus leamaš dehálaš oassi olbmuid identiteahtabarggus.
Luondu ja sámi mytologiija addet Lise Tapio Pittjai inspirašuvnna, nugo sámi ávdnasat, minstarat, hervenvuogit ja ivnnit dahket. Buktagiin oaidná dán, ja dat leat barggut maid vuođđu lea árbevierru, ođasmahttin ja individualiteahta.
Loga lasi
Oktavuođadieđut
Lise Tapio Pittjas vuorkkás gávdno buot, ekspressiivalaš luhka rájis gitta dávviriidda mat eambbo leat dahkkon proseassaid bokte, láđđebiehkit, sárgumat ja bázahusat sasteduojis. Doppe leat maiddái govat, áviisačállosat, nammagoarttat ja dikšun sasttis dahkkon távvalat rámaid haga.
[AJTTE]
4 images
