(r. 1983)
Duojár
Christine Utsi Pittja riegádii 1983 ja lea bajasšaddan Bårjåsis Jåhkåmåhke suohkanis. Sus lea Gárasavvon gullevasvuohta. Otne son orru Váhciris iežas veagain.
Christine logai duodjeoahpu Sámij Åhpadus Guovdasjis Jåhkåmåhkes 2004-2006 ja das maŋŋil sus leai stuorra miella bargat ollesáiggi dujiin. Son searvvai mángga kurssaide ja proševttaide duoji ja fidnohutkkama fáttas ja doalai ieš kurssaid ja goarui daidda geat diŋgojedje.
Christine álggahii iežas fitnodaga 2010 ja gálvomearkkain Nomade:iin sus leai čielga oaidnu; son galggai goarrut sastteveaskkuid bistevaš, klassihkalaš ja seammas árbevirolaš hámiin ja dávjá hervet datneárppuin. Bistevašvuohta ja doaibma leai dehalaš. Dasa lassin son jotkkii gáktediŋgojumiiguin ja kurssaiguin.
Dál Christine lea lohkan kandidatoahppu etnologiijas Uppsala allaskuvllas, son sáhttá ein bargat dujiin muhto etnologa geahččanguovllus. Danin son heittii fidnodoaimmain 2020. Maŋimus áiggi son lea omd bargan Ájtte museas Jåhkåmåhkes ođđa GAPTA čájáhusain.
Duddjon lea fal ein lunddolaš oassi Chrstine árgabeaivvis. Otne son goarru eanemusat lagamus vehkii. Filosofiija lea: váldit vuhtii dasa mii luonddu ja birrasa adda, funkšunalitehta ulbmilin.
Loga lasi
Christine arkiivvas gávdnu čállosat, sárgomat ja govat iešguđetlágana prošeavttain. Dás lea maid dávvirat nugo dat vuosttaš gávtti maid goarui, eksperimeanttat, holbebinnat ja geahččalanbiktasat.
Oassi Christine arkiivvas lea okta reivve mii son ieš lea čállan. Juohkehaš gii iská su arkiivvas galga álo álgit lohkat dán teavstta. Dát láidesta ja adda ipmardussa goht galga jurddasit materiala birra.
3 images
