Karin Vasara - Arctic Indigenous Design Archives (AIDA)

Karin Vasara

(r.1946)

Designar, entreprenevra, movttiideaddji/ oahpaheaddji ja áššedovdi sasttis ja konfekšuvnnas


Karin Vasara riegádii jagis 1946 ja orru sihke Gironis ja Gárasavvonis, doppe lea son šaddan. Kárin lea designar, entreprenevra, movttiideaddji/ oahpaheaddji ja áššedovdi sasttis ja konfekšuvnnas. Son ráhkada ođđa ja goarru mihtiduvvon diŋgojumiid biktasiid mat leat báidnun sámi árbevierus.

Karin Vasara čađahii oahpahusa bivttasteknihkas Stockholmmas ja körsneara oahpahusa Gironis 1980 jagiin. Das maŋŋá álggahii son iežas fitnodaga Nállogoahti ja rabai iežas ateljea Čuovžavuohpis. Dán áiggis lea fitnodagas su namma ja ateljea lea Gironis. Earret dan ahte hábmet biktasiid son lea vuođđudan ja jođihan oahpahusa sasttis ja náhkis Sámij åhpadusguovdásjis ja Sámi allaskuvllas.

Karin Vasaras bargolisttu lea oalle viiddis ja son lea leamaš álggaheaddji ja ovdagovva máŋga surggiin. Dattege son lea čujuhan ahte leamaš su eadni guhte lea oahpahan duddjoma ja nissonolbmo fitnodatbarggu sutnje. Márkaniin, meassuin ja festivalain, ruovttusiiddus bokte ja su gávppis lea Karin Vasara márkanastán ja vuovdán gieđas dahkkon, mihtiduvvon biktasiid mat leat dahkkon árbevirolaš ávdnasiin nugo duoljis, gihcináhkis, njuorjjonáhkis ja gággasis. Jagi 1988 rájis lea son vuovdán Jåhkåmåhke márkanis. Stuorra joavkkus su ostiin leat gonagaslaš olbmot, bisppát, beakkálmasat, politihkkarat ja mode-berošteaddjit.

Ođđa jurdda sus lea láigohit erenoamáš biktasiid erenoamáš dáhpáhusaide nugo gásttašemiide ja heajaide, earret eará báikkiin dego Čohkkirasa jiekŋagirkus. Designejuvvon biktasat leat jievja guhkes luhkká dahkkon gihcináhkis ja gásttašanvuolpput maidda gullet gahpirat ja gápmagat.


Su álggahanbarggut oidnojit su vuorkkás. 32 jagi áigi son álggaha fitnodaga Nállogoahti. Vuorká lea rikkis ja das leat earret earáid dávvirat, toallat, minstarat ja geahččalanbiehkit ja maiddái márkanastinávdnasat ja áviisačállosat. Dasa lassin lea vuorkkás stuorra govvačoakkáldat mas ollu su biktasiin leat dokumenterejuvvon.

[AJTTE]

Karin Vasara muitala su arkiiva birra (ruotagillii):