Making Archives Accessible on Sámi Premises (ASP)
ASP-fidnu lea Ruoŧa, Norgga ja Suoma Riikkaarkiivvaid rájáid rasttildeaddji ovttasbargofidnu, man ulbmilin lea buoridit sápmelaččaid beasu iežaset historjái ja kulturárbái.
Fitnu ulbmilin lea dovdát viidát daid virgeoapmahašarkiivvaid, mat sisttisetdollet sápmelaččaide guoskevaš materiála, sihke ovdánahttit válddahalli metadata nu, ahte materiálat leat oinnoleappot ja álkibut juksamis. Barggu bargá áššedovdiin čohkkejuvvon referánsajoavku, mii dovdá arkiivvaid geavaheami sihke ovddasta sámeservoša. Ovttasbargu dahká vejolažžan dan, ahte materiálaid prioriteren ja válddahallama ovdánahttin bálvalit sihke servoša ja sámedutkamuša dárbbuid.
Guovddášlaš mihttomearrin lea duddjot viiddis gova sápmelaččaide laktáseaddji dieđu sisttisdoalli virgeoapmahašmateriálain, ovddidit metodologiija válddahallamiid buvttadeapmái, buvttadit ođđa válddahallama sápmelaččaide guoskevaš arkiivamateriálaide sihke buvttadit davviriikkalaš sámemateriálaide guoskevaš oahppása. Lassin fitnu ulbmilin lea nannet davviriikkalaš sámearkiivvaid fierpmádaga. Fitnu bohtosat bohtet fidnemii sámeportálas Nuohtti.com sihke eará álbmotlaš ja riikkaidgaskasaš portálain (Suomas Riikkaarkiivva Astia-fierbmebálvalus).
Virgeoapmahaččaid materiálat buot golmma riikkas sisttisetdollet mearkkašahtti sápmelaččaide guoskevaš dieđu, muhto sápmelaččaid historjái, kultuvrii ja vuoigatvuođaide guoskevaš materiálaid leat ain váttis gávdnat ja dat leat heajut juksamis sápmelaččaide ja dutkiide. Dáid materiálaid juvssahahttivuođa buoridemiin prošeakta doarju ON:id julggaštusa eamiálbmogiid vuoigatvuođain ja nanne sápmelaččaid návccaid dutkat iežat kulturárbbi iežaset eavttuiguin.
Fidnu viggá vástidit erenoamážit čuovvovaš EU Interreg Aurora suvdilvuođamihttomeriide:
Fitnu ruhtadit EU Interreg Aurora sihke Lappi lihttu.
Fitnu bistin: 1.1.2026-31.12.2028
Fidnoguoimmit:
- Ruoŧa Riikkaarkiiva (váldoguoibmi)
- Norgga Riikkaarkiiva ja Sámi arkiiva