DUODJU - duodjebajasgeassinmateriala

DUODJU lea vuođđoskuvlla 7.–9. luohkáide gárgehuvvon duodjebajásgeassima oahpahusollisvuohta. Materiála heive duoji, govvadáidaga ja eatnigiela oahpahussii ja dan sáhttá ávkkástallat temáoahpahusas.

DUODJU lea vuođđoskuvlla 7.–9. luohkáide gárgehuvvon duodjebajásgeassima oahpahusollisvuohta. Materiála heive duoji, govvadáidaga ja eatnigiela oahpahussii ja dan sáhttá ávkkástallat temáoahpahusas. Materiála sáhttá heivehit maiddái eará luohkkádásiide ja oahpahussii skuvlla olggobealde.

Oahpahusollisvuođa namma DUODJU boahtá sániin duodji ja jurddašeapmi. Oahpaheaddji gihpa oahpista duodjejurddašeapmái ja movttiidahttá duodjebajásgeassima ollašuhttimii. Dasa lassin dat fállá oaidninčiegaid duodjebajásgeassimii ja rahpá duodjejurddašeapmi-doahpaga.

Oahpahusollisvuohta čohkiida govvalogaldallamis, oahpaheaddji rávvagiin ja hárjehusollisvuođas. Govvalogaldallan Duodjemáilbmái oahpásmuvvan láidesta ohppiid guorahallat, mii lea duodji ja duodjejurddašeapmi. Dan maŋŋá oahpaheaddji sáhttá friddja válljet hárjehusaid hárjehusollisvuođas.

Oahpahusollisvuohta lea ráhkaduvvon oassin AIDA – Arctic Indigenous Design Archives -fitnu. Dat lea Sámi Arkiivva, Ájtte-museá ja Sámi Allaskuvlla gaskasaš jagiid 2017–2019 ollašuhttojuvvon Interreg Nord ovttasbargofidnu. Fitnu mihttomearrin lei sámi duodje-jurddašeami seailluheapmi ja sirdin čuovvovaš buolvvaide. Oahpahusollisvuođa hárjehusat vuođđuduvvet fitnus skáhppojuvvon duojáriid arkiivvaide.